Ali elsanpok
الاثنين، 5 أغسطس 2019
الاراجوز
الاراجوز ليه ضارب بوز
يمكن زعلان او مهزوز
فغكنت تملى بشوفه مزقطط
وبيغنى اغانى لفيروز
الاراجوز صعبان على قلبي
مش متعود اشوفه حزين
كان دايما يرسم على خدى
بهجه وفرح يعيشو سنين
بس انا ماسكتش ومشيت
لا دانا روحت اوام بصيت
واستغربت انا لما لقيت
الراجل صاحب الاراجوز
عم ربيع حامد عزوز
واقع ع الارض وتعبان
ماسك ف ايديه طقم سنان
مش قادر من تانى يقوم
ولا يرفع جسمه المهزوم
بسرعه بسرعه روحت عليه
قولتله مالك ايه فى ايه
قالى ساعدنى اقوم من تانى
اكل العيش محتاج للسانى
لسه بمد بايده اخدها
ف لحظه حسيت ببرودها
اتخضيت وصرخت جريت
روحت بسرعه اوام وناديت
لاصحابي يشوفو ايه ماله
فجاه لقيتهم صرخو وقالو
مات عم ربيع عزوز
مات عم ربيع عزوز .. مين بعده هيبقي الاراجوز
عم سماحه ولا ابو خالد يمكن راشد برضه يجوز
الصفحة الرئيسية
الاشتراك في:
الرسائل (Atom)